هذا مش بورتفوليو عادي 😁
هذا بداية حوار استراتيجي بيني وبينكم
عشان نفهم بعض ونبني سوا محرك نمو هيغير قواعد اللعبة ..
مهمتي مش بس أشتري إعلانات وأحصل على نتائج مؤقتة
مهمتي الحقيقية هي بناء محركات نمو (Growth Engines) بتحول كل دينار بتصرفوه لأصل دائم يخدمكم لسنوات.
محركات النمو مش مجرد إعلانات... إنما أنظمة متكاملة بتشتغل تلقائيا وتولد نتائج مستمرة
من خلال فهم عميق للجمهور وهندسة المحتوى والتحسين المستمر ..
معظم الشركات بتركز على عمليات البيع السريع بدون ما تبني علاقة طويلة الأمد مع الزبون.
النتيجة؟ LTV (قيمة العميل مدى الحياة) بتقل مع الوقت، مع ارتفاع تكاليف اكتساب العملاء باستمرار.
نمو سريع من غير بناء Brand Equity (قيمة العلامة التجارية) زي لما أبني قصر متين بس فوق رمال متحركة.
أي أزمة صغيرة أو تغير في الخوارزميات ممكن بلحظة يهدم كل شي.
معظم الشركات عندها بيانات ومجتمع وقصص نجاح، بس مش مستغلة كل هاد بطريقة صحيحة.
هاي الأصول لو تم استغلالها بشكل صحيح، ممكن تكون مصدر نمو أقوى من أي حملة إعلانية.
كمان لازم يكون عندك قصة تخلي الناس تحبك وتحب تشتري منك ..
التسويق مش مجرد أرقام وإعلانات وبس .. إنما فن وفلسفة ..
ولذلك ما بحاول أبيع .. لكن بحاول أفهم وأؤثر ..
منهجيتي مبنية على نقل العميل عبر مستويات الوعي ..
من مرحلة المشكلة لمرحلة الهيمنة ..
وكل مرحلة لها أدواتها واستراتيجياتها الخاصة ..
أنا مش بس بكتب كلمات .. أنا بكتب قصص بتبيع ..
المحتوى هو سلاحي السري اللي بخلي العميل يشوفني كخبير ويثق فيي قبل ما يحكي معي ..
فهم الصراع الداخلي للزبون والتحديات اللي بيواجهها.
أنا بحفر بعمق في نفسية الجمهور لأفهم الألم الحقيقي والرغبات المخفية.
باستخدام أدوات مثل Psyche-Architect™ (من تأليفي)
لفهم الجمهور بشكل أعمق من أي منافس.
هاي المرحلة بتشمل:
• تحليل البيانات النفسية والديموغرافية
• دراسة سلوك العملاء على المنصات المختلفة
• تحديد نقاط الألم الرئيسية والثانوية
• وضع خريطة الرحلة العاطفية للعميل
بناء الجسور نحو الحل من خلال محتوى استراتيجي
يربط بين مشكلة الزبون والحل اللي بنقدمه.
هون بنبدأ نزرع الثقة ونبني السلطة المعرفية.
باستخدام frameworks مثل SCP-CDE™ (من تأليفي)
لتصميم استراتيجية شاملة بتشمل:
• تطوير محتوى تعليمي يضعني كخبير
• بناء سيناريوهات تفاعلية تقود للحل
• إنشاء content pillars لكل منصة
• تصميم customer journey مخصص لكل شريحة
إزالة التردد بالبرهان القاطع من خلال بيانات، دراسات حالة، وشهادات عملاء حقيقية.
هاي المرحلة الحاسمة اللي بتحول الاهتمام لقرار شراء.
باستخدام SDMO™ (من تأليفي)
لتحسين أداء الحملات بشكل مستمر من خلال:
• تصميم landing pages محسّنة للتحويل
• اختبار A/B للعناصر المختلفة
• تطبيق social proof strategies
• تحسين user experience لتقليل الاحتكاك
تحويل الزبون إلى سفير للعلامة التجارية من خلال بناء مجتمع مخلص وبرامج ولاء متطورة. هاي المرحلة بتخلق النمو المستدام والعضوي.
باستخدام CTEU™ (من تأليفي)
لبناء قبائل حول العلامة التجارية من خلال:
• تطوير برامج ولاء مبتكرة
• بناء مجتمعات تفاعلية على السوشيال ميديا
• تحويل العملاء لـ brand ambassadors
• إنشاء محتوى user-generated لتعزيز الثقة
| المرحلة | المؤشرات الأساسية | الهدف |
|---|---|---|
| التشخيص | Reach, Impressions, CTR | زيادة الوعي بالمشكلة |
| الهندسة | Engagement Rate, Video Views, Page Views | بناء الثقة والسلطة |
| التحويل | Conversion Rate, CPA, ROAS | تحويل الاهتمام لمبيعات |
| الهيمنة | LTV, Retention Rate, Referral Rate | بناء الولاء والنمو المستدام |
من خبرتي .. العملاء المثاليين بيتميزوا بـ 6 صفات أساسية ..
لو لقيت عميل عنده اياهم = يبقى هذا شريك حقيقي مش مجرد زبون ..
بيعرف ايش بده بالضبط ومحدد أهدافه
بيفهم انه الشراكة طريقين وبيتقبل النصائح
بيشوفني كخبير وبيثق في قراراتي
بيفهم انه النتائج ما بتظهر من يوم وليلة
بيفهم قيمة المعلومات السرية ويحافظ عليها
عنده رؤية واضحة ويستثمر في النمو
هاي عينة من الأداء اللي قدرت مع فريقي أنجزه في السوق الأردني خلال 3+ سنوات:
| المؤشر | القيمة | المقارنة مع السوق |
|---|---|---|
| متوسط CPM | $0.688 | 42.7% أكثر كفاءة من متوسط السوق لمجالنا |
| تكلفة المحادثة (Messaging) | $1.26 | أقل من متوسط السوق بـ 65% لمجالنا |
| معدل التحويل (Conversion Rate) | 2.18% | أعلى من متوسط الصناعة بـ 120% لمجالنا |
| معدل إكمال الفيديو (ThruPlay) | 21.6% | أعلى من متوسط المنصة بـ 45% لمجالنا |
سرية البيانات لشركائي هي أولوية قصوى = لهيك ما رح تشوف هون تفاصيل حملات داخلية أو أرقام خاصة.
بس اللي بقدر أورجيك إياه، وهو الأهم، هو أنواع التحديات الاستراتيجية المعقدة اللي بحلها كل يوم، والمنهجية اللي بنستخدمها للانتصار فيها.
المعركة: المنافسة شرسة، والولاء صعب. الرف بالسوبرماركت هو نفسه الـ Feed على السوشيال ميديا: مزدحم ومزعج.
الهدف مش بس البيع، الهدف هو كيف تخلي المستهلك يختارك أنت بالذات كل مرة من بين ألف خيار تاني.
دوري كـ معماري نمو: هون مهمتي هي تحويل المنتج من "خيار" لـ "جزء من هوية الزبون". أنا ما بدير إعلانات فقط، لكنّي بهندس العلاقة العاطفية بين البراند والمستهلك.
بنبني هاي العلاقة من خلال محتوى بفهم "الصراع الداخلي" للزبون، وبنستخدم حملات بتخلق "هوية" مش بس بتبيع منتج. الولاء هو الحصن المنيع اللي ما حدا بيقدر يخترقه.
المعركة: الثقة هي العملة الوحيدة. إنت ما بتبيع منتج عادي، إنت بتبيع "راحة بال" و "صحة".
لازم تقنع الطبيب والصيدلاني (B2B) والمريض (B2C) بنفس الوقت، وكل واحد فيهم لغته ومخاوفه ومنطقه مختلف تماماً.
دوري كـ معماري نمو: مهمتي هون هي بناء "جسور من الثقة" بين العلم والناس.
أنا بصمم استراتيجيات محتوى بتبني السلطة المعرفية (Authority) عند الأطباء من خلال بيانات ودراسات
وبنفس الوقت بترجم هاي المعلومات المعقدة للغة بسيطة ومطمئنة للمريض عشان نخليه شريك بالقرار.
بنحوّل القلق لثقة، والتردد لقرار علاجي.
المعركة: كيف بنحوّل "لايك" على الفيسبوك لـ "دينار" في كاش الصيدلية أو المتجر الإلكتروني؟
هاي هي أصعب معادلة في التسويق الحديث، خصوصاً لما ما يكون في تتبع مباشر للمبيعات.
دوري كـ معماري نمو: أنا مهندس الرحلة (The Journey Engineer).
بصمم حملات ما بتطلب "شراء فوري"، بل بتخلق "نية شرائية" واضحة وقابلة للقياس.
بنقيس النجاح بعدد "المحادثات" اللي بتبلش، وعدد "الاستفسارات" عن أقرب صيدلية، وعدد الناس اللي بتسأل "كيف بقدر أحصل عليه؟"
بنحوّل العالم الرقمي لمحطة وقود بتزوّد العالم الحقيقي بالزبائن المهتمين.
استثمرت في تطوير نفسي عبر دورات متخصصة في مختلف مجالات التسويق الرقمي وإدارة الأعمال
وهذه بعض الدورات الرئيسية التي أثرت بشكل مباشر على أدائي:
هاي بعض الأدوات والمهارات اللي بستخدمها
عشان أبني محركات النمو وأحقق النتائج المطلوبة
أنا مش باحث عن وظيفة 😁
أنا باحث عن تحدٍ كبير وشراكة حقيقية ..
لو شفتوا في الكلام اللي فات بينطبق على تحدياتكم
ف يلّا نبلش سوا حوار استراتيجي نفهم فيه بعض بشكل أعمق ..